Skemmtigarðar endalaust:-)

Það er aldeilis búnar að vera viðburðaríkar síðastliðnar 2 vikur!! Við kíktum í heimsókn til Rabba og Sædísar um síðustu helgi og var mjög gaman þar, við skruppum til Álaborgar í dýragarðinn þar og fengum okkur fína göngu um einn svaka fínan kirkjugarð þar í boði Rabba á GPS tækinu:-)

Á sunnudeginum skruppum við svo niður til Þýskalands til að kaupa ódýrt pepsi max og fórum þar á yndislegan veitingastað þar sem að konurnar líktust Frankenstein og við fengum gjörsamlega verstu hamborgara lífs okkar!!!! Ég hló og hló að þessu öllu saman og Elli greyið er ennþá í sjokki, en svo keyrðum við heim og allt var í gúddí á leiðinni heim.

Svo var ég bara í skólanum alla vikuna og má sko segja að NÓG sé að gera í lærdómnum enda hef ég orðið varla tíma í neitt annað en að sökkva mér ofan í bækurnar, ég reyni að læra sem mest yfir vikuna svo ég geti tekið mér frí um helgar til að vera með yndislegu fjölskyldunni okkar!

Á föstudaginn lærði ég frá 9 um morguninn stanslaust til 00:30 um nóttina til að geta leyft mér að vera í fríi laugardag og sunnudag. Á laugardag kíktum við svo í Legoland. Sædís og Rabbi og börn hittu okkur svo þar og komu svo heim til okkar í gistingu um kvöldið, og það var alveg geggjað gaman, Elli greyið var sendur í rússíbana og grenjuðum við Sædís úr hlátri af hræðslu hans í rússíbananum og ég keypti mynd af honum og lyklakippu sem notað verður sem þunglyndislyf eftir þörfum.

Svo á sunnudaginn var ákveðið að sýna Sædísi, Rabba og börnum dýragarðinn hér í Óðinsvé, því okkur finnst hann svo flottur. Þeim leist bara vel á og þetta var bara gaman að ganga þar um.

Ég fór svo í fyrsta Lab tímann minn í dag og vorum við Dagný svolítið seinar að skilja hvað við ættum að gera en loksins þegar opnaðist fyrir fattarann þá gekk þetta nú bara nokkuð vel:-)

Annars erum við Elli að fara á morgun og skrá hann hjá vikar sem er svona atvinnuþjónusta sem hringir hann út ef einhverjum vantar mann í vinnu og hann byrjar svo í sprogskólanum á fimmtudaginn þannig að það er alveg allt að gerast hjá kallinum líka:-)

Börnunum líður ofsalega vel, Kamillu líkar vel í leikskólanum en talar ekkert ennþá þar, en á eina íslenska vinkonu þar sem hún getur spjallað við. Kristína er búin að vera með kvefpest og hita en er öll að hressast og fór í skólann í morgun, hún á fullt af vinkonum þar. Kristian átti að byrja hjá dagmömmu á morgun en hún er veik þannig að það verður hringt í okkur um leið og hún verður frísk:-)

Kærar kveðjur í bili og ég set hér söngvídeó af Kamillu og Kristian sem er bara krúttlegt en það er svolítið dökkt en ég vona að þið getið að minnsta kosti hlustað á sönginn:-) Svo skelli ég líka inn nokkrum myndum:-)